Luna, Delia e Sofía no Nacional Base de Oviedo

Do 14 ao 19 de abril, as nosas ximnastas Delia García, Luna Angulo e Sofía López participaron no Campionato de España Base Individual, celebrado en Oviedo.

Sofía competiu na categoría infantil, mentres que Delia e Luna participaron na categoría alevín, vivindo así unha semana moi especial nun dos campionatos máis importantes da tempada.

Ao longo destes días puideron desfrutar da experiencia de asistir este evento, compartir momentos xuntas fóra do tapiz e seguir sumando aprendizaxes nunha competición de gran nivel, con ximnastas chegadas de toda España.

Máis alá dos resultados, este campionato deixa novas experiencias, motivación e moitas ganas de seguir traballando e medrando dentro da ximnasia rítmica 💙