O XORNAL DO CLUB ARNELA

O Club Arnela xa está preparado para vivir un Nadal moi especial co noso Campus de Nadal , unha actividade pensada para que as ximnastas desfruten destes días de vacacións dun xeito diferente: con movemento, creatividade, amizade e moita ilusión deportiva. Durante estas xornadas propoñemos un espazo onde convivir, divertirse e seguir aprendendo xuntas. Será un tempo para coñecerse mellor, axudarse entre elas e compartir momentos únicos , mantendo viva a maxia do Nadal mentres

O 25 de outubro o Club Arnela participou no IV Torneo Internacional Viravolta Jael , celebrado en Santiago de Compostela. Nesta ocasión a nosa ximnasta Sofía López foi a encargada de representarnos, completando un gran exercicio que lle valeu o 10º posto nunha competición con clubs de toda España. Unha nova experiencia que suma motivación e aprendizaxe para Sofía, que seguirá desfrutando da ximnasia e preparando con ilusión a súa participación na Copa Base de Madrid .

O 18 de outubro celebrouse o Control Copa Base , un clasificatorio no que só as cinco mellores de cada categoría lograban o pase ao campionato estatal. O Club Arnela estreouse neste novo nivel con tres ximnastas, e os resultados non puideron ser mellores: Delia García e Luna Angulo quedaron ás portas da clasificación cun 6º e 7º posto , mentres que Sofía López acadou un brillante 5º posto , logrando así o billete para representar a Galicia no estatal. O corpo técnico dest