Club Arnela

Quen somos?

Fundado en 2020, nun momento complicado de pandemia no que o deporte servía como fío de esperanza, o Club Arnela xurdiu para crear espazo seguro e ilusionante. Arrincou con sete ximnastas e moitas ganas co obxectivo de acompañar no seu proceso deportivo a cada unha delas.

Hoxe forman o Club Arnela máis de 120 ximnastas e un equipo estable de adestradoras que manteñen a mesma esencia: traballo, respecto e paixón pola ximnasia rítmica.

O noso método

No Club Arnela traballamos para que cada nena atope un lugar seguro onde medrar, aprender e desfrutar da ximnasia rítmica. Apostamos por un deporte educativo, respectuoso e adaptado a cada idade, no que a confianza e a motivación son tan importantes como a técnica.
Combinamos formación técnica e creatividade buscando que cada ximnasta avance ao seu ritmo, acompañando o seu proceso con cariño, rigor e seguimento. Para nós é fundamental que as nenas se sintan parte do equipo e que veñan con ganas a adestrar.

O equipo técnico

O equipo técnico do Club Arnela está formado por adestradoras cunha paixón común pola ximnasia rítmica e pola educación a través do deporte.
Cada unha delas aporta a súa personalidade, creatividade e compromiso para facer medrar ás ximnastas tanto a nivel deportivo como persoal.

Xuntas conforman un grupo unido, con ilusión, esixencia e moita dedicación diaria. O seu obxectivo é acompañar a cada nena no seu proceso, respectando o seu ritmo e celebrando cada pequeno logro.